"Normaltasunez erakutsi digute eta hala egin dugu Dantzari Dantza"

Argazlia: Lehior Elorriaga

Txalo zaparrada artean hartu dute talde parekidea Iurretako sanmigeletan, aurten. Iman Aboubik eta Laia Gurrutxagak urduri eta pozik gogoratzen dute momentu hori.

Asteburu berezia izan duzue sanmigeletakoa. Nolakoa izan zen plazara irteteko unea?
Laia Gurrutxaga: Oso berezia. Lehenengoz irten gara plazara. Gainera, orain arte inoiz ez da irten emakumerik zuriz jantzita. San Migel bezperan, azken entsegua amaitu ostean, plazatik irten eta negar batean egon ginen denok; hori bai, pozik. Beti dago zer hobetu, baina dantzan ondo egin dugula esan digute eta pozik gaude.
Iman Aboubi: Hala da. Gure lehen aldia izan da, eta oso urduri geunden. Emozio nahastea izan da bizitakoa.

Harritu egin zaituzte izan duen oihartzunak?
I.A.: Bagenekien oihartzuna izango zuela, baina normaltasun baten barruan bizi izan dugu aldaketa.
L.G.: Normaltasunez erakutsi digute eta hala egin dugu Dantzari Dantza. Ez nuen uste horrenbesteko oihartzunik izango zuenik.

Dantzari dantzaren tradizioa aro berrietara egokitu da?
L.G.: Bai, gizarteak aurrera egin ahal izateko, egokitu beharra dago. Lehenengoak izan gara, eta hurrengo taldeak ere mistoak izatea gura genuke, eta generoari begiratu barik sortzea talde horiek.

Iman, arabiarra izanik, nola bizi izan duzu genero eta integratze ikuspuntu batetik?
I.A.: Normaltasun osoz. Ondo sentitu naiz, gainontzeko neskak lez. Dantzak du garrantzia, eta ez generoak edo jatorriak.

Erlazionatuak

Tradizioari eutsiz, pauso bizian sartu dira emakumeak Durangaldeko plazetan

Durangaldea

Tradizioak aldaezinak direla diotenek estu heltzen diote dogma horri. Badira, ostera, sasoi berrietara moldatu arren inoiz baino biziago dauden ohi...
"Arratsaldean plazara irten ginenean txalotuenak izan ginela diote"

Elorrio

2003. urtean Errebonbilloetan emakumeek parte hartzeko bidea zabaldu zuten Saioa Gomezek (Elorrio, 1978) eta Nekane Guridik (Elorrio, 1978) .
"Gure planteamendua zen zortzi dantzariko taldea ginela, neska zein mutil izan'

Durango

Kriskitin dantza taldeko kidea da Ixone Aroma Barrena (Durango,1982).
"Elorrion berdin eutsi zaio tradizioari, eta naturaltasunez gertatu dira aldaketak"

Elorrio

Elorrion 1968ko Ferixa Nausikoetan entzun ziren lehenengoz danbor hotsak. 50 urte izango dira umeen danborrada estreinakoz kalera irten zela. Mila ...
Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.