"Elorrion berdin eutsi zaio tradizioari, eta naturaltasunez gertatu dira aldaketak"

Elorrion 1968ko Ferixa Nausikoetan entzun ziren lehenengoz danbor hotsak. 50 urte izango dira umeen danborrada estreinakoz kalera irten zela. Mila Royo antolatzaile aritu da urte askoan, bai helduen bai umeen danborradan. Gainera, bera izan zen danborra jotzeari ekin zion lehenengo emakumea. Emakumeen parte-hartzea "modu naturalean" gertatu dela azpimarratu du elorriarrak.

Elorrioko danborradan zelakoa izan da emakumeen parte hartzea?
Orain 30 bat urte, taldeko emakume batzuek sukaldari postuan egon gura izan zuten. Ea posible zen galdetu zuten, eta arazorik barik parte hartu zuten.

Zeu izan zinen lehenengo emakumea danborra jotzen.
Bai, 2000. urtean izan zen. Elgetan ikasi nuen danborra jotzen, eta gero Elorrioko umeei irakatsi nien. Behin ikasita, danborradan jo nezakeela pentsatu nuen, eta ez zen arazorik izan.

Beste zenbait herritan batzuek diote danborradetan emakumeek parte hartzea tradizioa haustea dela.
Elorrion berdin eutsi zaio tradizioari, eta naturaltasunez gertatu dira aldaketak. Gaur egun, gainera, danborradan emakumeen kopurua gizonena baino handiagoa da. Batez ere, umeen kasuan nabarmena da. Beste hainbat arlotan ere gertatu da aldaketa. Errebonbiloetan, esate baterako. Errebonbilo Egunean aita-alabak elkarregaz parte hartzen ikusteak, adibidez, emozionatu egiten nau.

Erlazionatuak

Tradizioari eutsiz, pauso bizian sartu dira emakumeak Durangaldeko plazetan

Durangaldea

Tradizioak aldaezinak direla diotenek estu heltzen diote dogma horri. Badira, ostera, sasoi berrietara moldatu arren inoiz baino biziago dauden ohi...
"Arratsaldean plazara irten ginenean txalotuenak izan ginela diote"

Elorrio

2003. urtean Errebonbilloetan emakumeek parte hartzeko bidea zabaldu zuten Saioa Gomezek (Elorrio, 1978) eta Nekane Guridik (Elorrio, 1978) .
"Gure planteamendua zen zortzi dantzariko taldea ginela, neska zein mutil izan'

Durango

Kriskitin dantza taldeko kidea da Ixone Aroma Barrena (Durango,1982).
"Normaltasunez erakutsi digute eta hala egin dugu Dantzari Dantza"

Iurreta

Txalo zaparrada artean hartu dute talde parekidea Iurretako sanmigeletan, aurten. Iman Aboubik eta Laia Gurrutxagak urduri eta pozik gogoratzen dut...
Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.