Kana-erdiko zortzi enbor nork bizkorrago moztu aizkora apustua egin dute gaur Elorrioko probalekuan. Bi bikote aritu dira nor baino nor gehiago: Mikel Zenitagoia 'Basajaun' eta Eneko Salaberria 'Txikito', Bittor Gallastegi 'Txopo'-ren eta Ander Urretabizkaiaren kontra.
Zenitagoia eta Salaberria erraz nagusitu dira. Orduerdi pasatxoan osatu dute lana: 32:45. Gallastegik eta Urretabizkaiak ia hogei minutu gehiago behar izan dituzte lan berdina amaitzeko: 51:49.
Apustuak ikusmina eragin du eta Elorrioko probalekua bete egin da adin guztietako jendearekin. Trikitixak jai-giroa jarri du eta apustuaren aurretik herri kirol erakustaldiak izan dira, besteak beste, Urdax Magunazelaia harri-jasotzailearekin.
Argazkiak: Lucia Meruelo
