Ordu erdiz iraun du protestak. Gaur arratsaldez itzuli dira langileak lanera, 24 orduko lanuztearen ostean. Bezperako lan istripu larrian hil zen 38 urteko Y. B. gogoratu dute, eta bere senideei babesa eta elkartasuna agertu diete.
Elkarretaratzea, eguenean
Bestalde, LABek, Ernaik eta Sortuk elkarretaratzera deitu dute eguenerako ; 18:30ean egingo dute, Elorrioko plazan. Hain zuzen ere, LAB sindikatuak ohar baten bidez salatu du 2019an ere istripu larria izan zuela azpikontratatutako beste langile batek.
