Arrasateko Besaide Mendizale Elkarteak Udalatx mendiaren balio historikoa, kulturala eta naturala goraipatzen dituen dokumentala ondu du, eta eguenean hori ikusteko aukera egongo da. Dokumentala 40 minutukoa izango da, eta bertan hainbat adituren iritziak jasotzen dira.
Erdella Mendizale Taldeak antolatu duen ekitaldian bi pase egongo dira: lehena, 19:00etan, euskara hutsean, eta bigarrena, 20:00etan, gaztelerazko azpitituluekin. Erdellako kideek herritarrak gonbidatu dituzte, bertara joateko.
