Zapatuan XXI. San Balentin Berrio-Otxoa xake txapelketaren 21. aldia lehiatu zuten Elorrion. Araba, Bizkaia eta Gipuzkoatik etorritako 15 xake taldetako 60 xakelarik parte hartu zuten. Talde bakoitzak beste talde guztien kontra jokatu zuen egunean zehar.
Azken txandara arte emozioa nagusitu zen. Azkenaurreko txandan Abadiñok lidergoa kendu zion Zaldi Baltza A taldeari eta azken txandan elkarren kontra jokatzea suertatu zitzaien. Elorriarrek garaipena behar zuten txapelketa irabazteko, baina berdinketarekin bukatu zen neurketa eta Abadiñorentzat izan zen txapelketa Zaldi Baltza Aren aurretik.
Santurtzi geratu zen hirugarren, Portugalete laugarren, Zornotza bosgarren eta Zaldi Baltza B seigarren. Elorrioko Xake Eskolako gaztetxoek bi talderekin parte hartu zuten txapelketa horretan, eta horien artean izan ziren kimu mailako taldekako txapeldunak. Xake eskolako talde bakoitzak hamarna puntu lortu zituen eta txapelketetan esperientzia hartzeko balio izan zien. Kimu mailako xakelari bik 12 urtez azpiko txapelketa hasiko dute gaur Salobreña herrian (Granada).
SAILKAPENA:
- Abadiño 48,5 puntu
- Zaldi Baltza A 45,5
- Santurtzi 44,5
- Portugalete 44
- Zornotza 40
- Zaldi Baltza B 27
- Barakaldo 27
- Larrasoloeta 25
- Anaitasuna Kakute 24
- Martintxo 23,5
- Arrasate 23,5
- Getxo 20
- Elorrioko Xake Eskola B 10
- Elorrioko Xake Eskola A 10
- Zaldi Baltza C 7,5