Oraingoan, Osakidetzaren "egoera lotsagarria" salatzeko, herriko beste lagun batzuekin elkarretaratzea antolatu dute urriaren 21erako. "Gure osasun zentroan pairatzen gabiltzan egoera salatu gura dugu: profesionalak falta dira eta, batzuetan, larrialdiak baino ezin dira artatu. Egoera hau murrizketen eta plangintza faltaren ondorio zuzena da, eta herriaren erantzuna ezin da izan larrialdiak kolapsatzea edo aseguru mediku bat egitea. Kalitatezko osasun publikoa defendatu behar dugu", azaldu dute Argi Gorriakeko kideek.
Hori horrela, datorren urriaren 21erako deitu duten mobilizazioan parte hartzeko deia egin diete elorriarrei Argi Gorriakeko kideek. Gainera, euren taldea herritar guztiei zabalduta dagoela eta argigorriak@gmail.com helbidera idatzita eurekin kontaktuan ipintzeko aukera dagoela azaldu dute.