Atzo Emakumeen Binakako Sega-sail Lehiaketa izan zen Elorrioko Gazeta auzoan. Sei bikote nazioarteko estiloan aritu ziren segan eta Gipuzkoako Leaburu herriko Luixa Uzkudun eta Izadi Arrospide ama-alabek jantzi zuten txapela.
Hainbat arlotan nobedosoa izan zen lehiaketaren balorazio positiboa egin dute antolatzaileek. "Elkartean oso gustura gaude. Modalitate berri honek ate berri bat zabaldu zuen. Horrez gainera, esperimentu bat zen horrelako txapelketa bat antolatzen zen lehenengo aldia zelako eta dena oso ondo joan zen", azaldu du Almitza elkarteko Haizea Arrutik.
