#0km

20 euro ordainduta 25 euroko erosketa txartelak eskuratu daitezke Elorrion, astelehenetik aurrera

Herriko merkataritza sustatzeko kanpaina bat abiatu du udalak. Guztira 2.000 txartel izango dira eta atxikitako denda edo jatetxe bakoitzak 64 txartel izango ditu saltzeko. Lehenengo kanpaina honetarako 10.000 euro bideratu dituzte.

Ekainaren 22tik uztailaren 24ra egongo da indarrean erosketa-txartelak erosi eta trukatzeko kanpaina. Elorrion erroldatuta dagoen adin nagusiko pertsona bakoitzak bi txartel trukatu ahal izango ditu kanpaina osoan (ez bi txartel saltegi bakoitzean)

Saltegiek bereizgarri bat izango dute erosleek identifika ditzaten eta erosketa-txartelak kanpainari atxikita dauden saltegi horietan trukatu ahal izango dira. 20 euro ordainduta 25 euroko erosketa egin ahal izango da txartel horien bidez.

Txartelak unean bertan erosi eta unean bertan trukatu behar dira, udalak ohar batean informatu duenez.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.