Udaletik plazara

Elorrioko merkatari, ostalari eta autonomoek dagoneko diru-laguntzak eskatu ditzazkete

Maialen Zuazubiskar 2020ko mai. 7a, 09:32

Elorrioko merkatari, ostalari eta autonomoek hamabost eguneko epea daukate diru-laguntzak eskatzeko. Laguntza honetarako udalak 40.000 euro bideratuko ditu eta eskatzaile bakoitzeko diru-laguntzaren zenbatekoa establezimendua itxita egon den aste kopuruaren araberakoa izango da, edo autonomoen kasuan, jarduera ekonomikoa etenda egon den aste kopuruaren araberakoa.

Herriko jarduera ekonomikoa suspertzeko planaren barruan Elorrioko Udalak Covid-19aren eraginez euren negoziak itxi behar izan dituzten merkatari, ostalari eta autonomoei zuzendutako diru-laguntzak bideratu ditu. Udalak azaldu duenez, herriko establezimenduetan garatzen diren jardueren titularrak izango dira laguntzen onuradunak, "baldin eta jarduera hori ixteko agindu bada COVID-19ak sortutako osasun-krisiaren barruan". 

Interesatuek ondorengo aukera hauek izango dituzte beraien eskabideak aurkezteko:
1. Herritarrentzako Arreta-Zerbitzuan (udaletxean, zerbitzu hau berriro ere abian badago)
2. Administrazio-posta ziurtatu bidez .
3. Telematikoki, deialdiaren oinarrietan eskatzen diren dokumentu eta informazio guztiak aurkeztuta.
4. Tramite edo izapidea egiteko laguntza behar duten herritarrek honako telefono honetara dei dezakete: 946 582 712

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!