Elorrion ere elikagaiak eta botikak etxeetara eramateko zerbitzua antolatu dute

Maialen Zuazubiskar 2020ko mar. 16a, 12:01

Eskualdeko beste hainbat herritan bezala, Elorrioko Udalak eta boluntario talde batek zaintzarako sare herritarra sortu dute. Sarearen asmoa oinarrizko erosketak egiteko zailtasunak dituzten pertsonei laguntza eskaintzea da. 

Zaintza saretik jakitera eman dutenez, ondorengoa izango da funtzionamendua. Laguntza behar duen pertsonak eguerdiko 12:00ak baino lehen Elorrioko Udaltzaingoaren bulegora (946 820 218) deitu beharko du. Bertan izen-abizenak eta kontakturako telefono zenbaki bat utzi beharko ditu. Arratsaldean, berriz, zaintza sareko boluntario bat laguntza behar duen pertsonarekin harremanetan jarriko da eta egin beharreko erosketak zehaztuko dituzte. 

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!