[BIDEOA] Iheskidek hirukote bezala jarraituko du aurrerantzean

Jonatan Gonzalez 'Kata' gitarjoleak taldea utziko duela iragartzeko oharra kaleratu du Elorrioko musika taldeak sare sozialetan. 

Ia lau urteko etenaren ostean, iazko abenduan kontzertua eskaini zuen talde elorriarrak Hatortxu Rock jaialdian, azkena laukote bezala. "Iltzaturik generaman arantza kendu eta aro bati bukaera emateko aukera paregabea jarri zitzaigun pare-parean". Hain zuzen ere, bertan Aitor Mendilibar zaldibartarrak grabaturiko irudiekin bideoa kaleratu dute, bide batez.

Oholtzetara "udazken aldera" berriz igotzeko asmoa agertu dute. "Jo eta su gabiltza lanean, taula gainean nahi eta behar adina egur banatzeko asmoari jarrituz". Gaizka Jareño ‘Tronpi’-k, Ibai Arrizabalaga ‘Ibaiko’-k eta Xabier Gallastegi ‘Xagu’-k jarraituko dute taldearekin.

Erlazionatuak

“Urduritasun handiagoa dugu oholtzan sentimenduak kudeatzeagatik, oholtzako ikuspegiagatik baino”

Durangaldea

2016ko otsailean, Iheskide musika taldeak etenaldia iragarri zuen. Ia lau urte geroago,  Gaizka Jareño ‘Tronpi’, Ibai Arriz...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.