Pantailen eraginaz hausnartzeko berbaldiak Durangon

Kurutziaga Ikastolak, Altxa Buruak eta Durangoko Udalak pantailen erabilera eta digitalizazioa aztertzeko saio bi antolatu ditu herriko familientzat. Lehenengo berbaldia bariku honetan, maiatzak 15, izango da, 17:30ean. Telmo Lazkano ikertzaileak eta Gregorio Montero psikiatrak pantailek haur eta nerabeen osasun mentalean eta garapenean dituzten ondorioak aztertuko dituzte. Bigarren saioa maiatzaren 26an egingo da. San Agustin Kulturunean izango da hori ere, eta hezkuntzaren eta digitalizazioaren erronkak aletuko dituzte. 

Sarrera librea da lekuak bete arte. Saiook euskaraz egingo dira, eta behar duenak  aldibereko itzulpena izango du gaztelaniaz. Horretarako, telefono mugikorra eta entzungailuak eraman beharko dituzte jardunaldira.