Durangoko Napar txokoan ekimen bereziak antolatu zaleak dira. Iaz bertako bi bazkide pintxorik onena nork egingo lehiatu ziren. Oraingo honetan, Lupuloa eta Jainkosa izeneko garagardo dastatzea antolatu dute martxoaren 26rako. Toki denak beteta daudela jakinarazi dute antolatzaileek.
Maider Uribek gidatutako saioan bost garagardo probatu eta ezagutuko dituzte. Horrez gainera, hizlariak emakumeak garagardoaren ekoizpenean eta historian izan duen garrantziari buruzko azalpenak emango ditu. Ekimenean Zigor Iturrieta sukaldariaren pintxoak dastatzeko aukera ere egongo da.
![[BIDEOA]: Zigor Gerediagak irabazi du Napar txokoko pintxo-lehia](https://anboto.tok-md.com/argazkiak/jbX/cache/IMG_9380_tokikom_735x413.jpg)