[EGITARAUA]: 'Ekuirnokzioa' Durangoko gaztetxera iritsiko da martxoaren 14an

Iurretan egin zuten lehenengo edizioa, iaz. Eta Durangon egingo dute bigarrena, martxoaren 14an. Kuir Eztandako kideek identitate eta sexualitate disidenteen topaketa egingo dute gaztetxean. Ohikoa duten eran. Ohikoa duten gozamen egarriz. LGTB kolektiboko kideen arteko aliantzak, aldarrikapena, parranda eta kolore guztietako girgileria erabilita.

Aurtengo egitarauak memoria historikoa izango du ardatz, ekitaldietako bitan horri buruz hausnartuko dutelako. Batetik, Durangoko kuir memoriaren ibilbidea egingo dute, eta, bestetik, Getxoko adineko LGTB herritarren esperientziak ezagutuko dituzte. Halaber, ez dituzte ikuskizunak eta dantzaldia faltako Maritxu eta Arrisku txou-txoua izango dute 22:00etan, eta Mokor Okerren gaua 23:00etatik aurrera. Azken horretan Kene, MJPQ eta Totozer musika jartzaileek girotuko dute parranda.

• 12:00 Kuir memoriaren ibilbidea Durangon zehar. Plateruenetik hasita
• 13:30 Solasaldia eta bermuta: "Non daude Getxoko LGTBIQ+ nagusiak?", Julen Nafarreteren eta Ines Bermejoren eskutik.
• 14:30 Bazkaria
• 17:30 'Hirukia' tribial jolasa
• 19:00 Karropoteoa
• 22:00 Maritxu eta Arrisku txou-txoua 
• 23:00 Mokor Okerren gaua:
  • DJKene
  • MJPQ
  • MJ Totozer