Plateruena 40 Minutu Rock jaialdiko gune izango da aurten. Inoiz baino gehiago, gainera. Bai festibaleko lehenengo egunean ekitaldia eta Ruper Ordorikaren kontzertua han egingo direlako, bai bigarren eguneko emanaldietako batzuk bertan eskainiko dituztelako.
Izan ere, orain arte, karpa txiki bat atondu izan dute Landako Gunearen ondoan, eta bertan eskaini izan dituzte tamaina txikiagoko emanaldiak. Alabaina, antolatzaileek iragarri dutenez, aurten ez da karparik egongo, eta haren ordez, Plateruenean programatuko dituzte dimentsio txikiagoko kontzertuak. Erabaki hori festibalaren X. urteurrenagaz bat datorrela esan dute antolatzaileek.
Hamargarren edizioa
40 Minutu Rocken aurtengo edizioa otsailaren 20an eta 21ean egingo da Landako Gunean eta Plateruenean. Barikuan, Ruper Ordorikaren kontzertua eta ekitaldia egingo dira antzokian.
Zapatuan, berriz, honako talde hauek Landako Gunean: Zea Mays, Brigade Loco, Merina Gris, Zeker, Kiliki, Naxker, Marte Lasarte, EH Sukarra, Non Servium, Les Testarudes, Neomak, Nafarroa 1512 eta Ez Ez Ez. Eta beste hauek Plateruenean: Chicabeat & Rockyviolencia, Matah, Labar, Adur, Sembrando Kaos, DJ Pibikens eta Kene.mp3
Larunbateko txartelak erosgai daude Bibe atarian. Baita Ruper Ordorikaren emanaldirako sarrerak ere.
