[EGITARAUA]: Zeker, Tatta&Denso, Ødei, Maruxak eta Palestinarekiko elkartasuna Durangoko txosnetan

Ekaitz Herrera 2025ko ira. 23a, 18:17

Durangoko txosnek jaietako egitaraua aurkeztu dute arratsalde honetan. Askotariko animazioez eta musika emanaldiez gainera, nobedade baten berri eman dute. Aurten, Palestinarekiko elkartasun eguna egingo dute. Sol Band talde gazatarrak bertan joko du. Eta ez hori bakarrik. Iragarpen bat ere egin dute: "Israelekin harremana duten enpresen produkturik ez erabiltzea" erabaki dute txosnek, eta hori horrela izan dadin lan egingo dute "hurrengo urteetan". Aurtengo txupinazoa gaztetxeko kideek botako dute.

Era berean, jai herrikoiak eta parte hartzaileak antolatzeko egindako lana azpimarratu dute: "Hilabeteak daramatzagu hainbat eragiletako kideak elkartzen, aurten ere jai herrikoiak eta parte hartzaileak sortu ahal izateko", esan dute. Horren lekuko dira, besteak beste, gazte eguna, paella txapelketa, erreka jaitsiera, tortilla txapelketa edo Etxera eguna. Mozorro egunean, ipuinak eta kondairak izango dituzte ardatz; musika eskaintzan, berriz, Ødei, Streetwise, Zeker, Nekktar, Maruxak, Bart Sax, Akerbeltz, Euskoprincess eta Tatta&Denso taldeen emanaldiak batu dituzte, besteak beste.

Txosnaguneko giroa urriaren 10ean lehertuko da, Pantxikeren etorreragaz. Pertsonaiak 19:30ean hasiko du Santa Anatik txosnagunerako kalejira, eragileetako kideen beroan. Behin txosnagunera iritsita, txapligua isiotzea baino ez da faltako. Aurten, gaztetxeko kideek izango dute jaiak hasteko ohorea. "Azken urte honetan egindako borroka" aldarrikatuko dute.

Txosnek aipaturiko beste gai bat ordutegia da. Udalaren "oztopoak gaindituta, aurten, 06:00ak arteko ordutegia izango dutela gogoratu dute.

EGITARAUA

Urriak 10, barikua. Txupinazoa

19:30 Kalejira Santa Anatik txosnagunera, Gautxori taldearekin.
21:00 Txupinazoa txosnagunean Gaztetxearen eskutik.
21:00 Kontzertuak txosnagunean: Reder, Nekktar, Zeker eta DJ Usu&Ipi

Urriak 11, zapatua

12:00 Gazte eguneko kamiseta banaketa gaztetxean
15:00 Gazte eguneko bazkaria
16:00 Gazte jolasak
17:00 Karropoteo Kuirra Pinondotik, Kuir Eztandaren eskutik.
18:00 Mauxitxa txaranga txosnagunetik hasita.
22:00 Kontzertuak: Euskoprincess, Tatta & Denso eta Lafulana

Urriak 12, domeka (Palestinarekin elkartasun eguna)

13:00 Marianitada eta umeentzako jolasak
15:00 Palestinarekin elkartasun bazkaria txosnagunean. Ondoren, elkartasun bazkaria
16:30 Kontzertua / Errezitaldia: Sol Band
19:00 Kontzertua: Bart...Sax!
20:30 DJ maratoi herrikoia gaztetxetik txosnagunera.

Urriak 13, astelehena (San Fausto eguna)

12:00 Paella txapelketa txosnagunean.
12:30 Ume eta familientzako ikuskizuna txosnagunean: Thor magoa.
14:30 Paellen aurkezpena
17:00 Mañaria errekaren jaitsiera Tabiratik. Ostean, luntxa

Urriak 17, barikua

18:30 Tortilla txapelketa txosnagunean. Bitartean kaxen jolasa.
20:00 Tortillen aurkezpena. Ostean, sari banaketa
22:00 Kontzertuak txosnagunean: Ødei, Streetwise eta Les Testarudes.

Urriak 18, mozorro eguna (Etxera eguna txosnagunean. Txosnetako mozorroaren gaia: ipuinak eta kondairak)

15:00 Elkartasun bazkaria
16:00 Kontzertua: Heitxi eta Alain.
20:00 Mozorro desfilea
21:30 Kontzertua: Maruxak eta Akerbeltz erromeria.

Gizartea Durango

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.

EGIN ZAITEZ KIDE!