Durangoko 'Kaletik Gaztetxera' dinamikako kideek Montorreta kaleko lantegi bat okupatu eta gaztetxea atontzeari ekin zioten duela egun gutxi. Joan zen eguenean agerraldia egin zuten eta gaur ostera manifestazioa. "Durangar gazte askoren aterpe izan nahi duen proiektu honek oztopo asko dauzka aurrean. Eraikinetik bota nahi gaituzte elkarrizketari ateak itxita. Argi adierazi nahi dugu Kaletik Gaztetxera Asanbladako kideok elkarrizktarako borondate osoa daukagula", adierazi dute.
Bestalde, Durangoko Udalaren eta alkatearen jarrera salatu dute. "Publikoki herriko gazteon arazoie erantzuteko promesak egiten dituzten arren, baliabide guztiak erabiltzen ari dira gazteon antolakutnza oztopatzeko. Baina gazteon erantzunari esker Gaztetxeari eustea lortu dugu", gaineratu dute.
Horrez gain, Gaztetxeko kide batek eguaztenean epaiketa azkar bat duela jakinarazi dute, eta berau salatu dute.