Fermin Muguruza eta bere taldea Plateruena Kultur Aterpean izango dira gaur, bertaratutako guztien gozamenerako. Izan ere, musikari irundarrak bere aletxoa ipini gura izan du 40 Minutu Rock jaialdiagaz elkarlanean. Gainera, gaurko kontzertu hau atariko emanaldia izango du zapatuan Madrilen eskaintzekoa duen "akelarre antifaxistaren" aurrean. Muguruzak ANBOTO hartu du Landako Gunean, kontzertua eman aurreko azken minutuetan.
Sarrera guztiak salduta eskainiko du kontzertua, non eta Plateruena Kultur Aterpean, mundu-bira erraldoi baten azken orduko hitzorduan, eta atxikimendu handia dion lekuan. Aspaldiko partez, Fermin Muguruza Durangaldean izango da, eta Plateruena goraino beteko da jendez, aldarriz eta dantzaz bezainbeste izerdiz.