Durangoko Larrasoloeta Xake Taldea 40. urteurreneko ospakizunetan murgilduta dabil. Ekimen nagusietako bat zapatu honetan egingo dute: Adiskidetasunaren Txapelketa.
40. urteurrena ospatzeko 40 xake klub gonbidatu dituzte eta ez Euskal Herrikoak bakarrik, baita Asturias, Kantabria, Errioxa eta Kataluniakoak ere. Landako Gunean aurkitu dute denei tokia egiteko behar zuten espazioa.
Txapelketa eta ospakizuna
Txapelketa 16:00etan hasiko da. Sailkapen fasea amaitu eta azken faseari ekin aurretik txalaparta saio bat egongo da. 20:30 inguruan sari banaketa egingo dute. Ostean, afaria eta kontzertuak izango dira.