Muruetatorre Auzo Elkarteak jaialdi txiki bat antolatu du minbiziaren aurkako La cuadri del hospi elikartea diruz laguntzeko. Zapatu honetarako Segundo Traste musika talde durangarraren kontzertua antolatu dute. Emanaldia 19:00etan hasiko da Muruetatorreko etxebizitza blokeen arteko plazatxoan, Amalur tabernaren ondoan. Kontzertuak iraun bitartean pintxoak eta edariak zerbitzatuko dituzte 2,5 euroan. Baturiko diru guztia La Cuadri del Hospi elkartearentzako izango da.
Data seinalatua
Maiatzaren 12an, Durango jaialdi solidario erraldoi baten eszenatoki izango da. Udalerriak La Cuadri del Hospi elkarteak antolaturiko Gu bu zuek gara jaialdia hartuko du. Herriko instituzioak, elkarteak eta ikastetxeak inplikatuko dira egitasmoan.