Ezkurdiko frontoiak Peter Memorialaren XII. edizioko finalak hartuko ditu asteburuan. Barikuan, 19:30etatik aurrera, esku pilotako kadeteen finala eta emakumeen paleta goma kategoriako finalak jokatuko dira: Martin-Nogueiras eta Uribe-Gerrikabeitia kadeteetan eta Carmen-Haizea eta Arriaga-Araitz paleta goman.
Domekan, 17:30etatik aurrera, emakumeen eskuz binakako finala eta promesen eskuz binakakoa jokatuko dira. Zarrabeitia-Marijuan eta Azkona-Uriarte emakumeetan, eta Kareaga-Etxebarria eta Murillo Larrañaga promesetan ibiliko dira.
