Amateur mailako binakako txapelketan Euskal Herriko hainbat elkartetatik etorritako sei bikotek parte hartuko dute. Multzo batean Berriatuako Antxon-Lekue, Zumaiako Eduardo-Uranga eta Biarritzeko Bixente-Iturralde bikoteek jokatuko dute. Beste multzoko bikoteak honako hauek dira: Hondarribiko Basterra-Sallaberry, Donibane Garazi eta Mauleko Urrutia-Oihenard eta Mutrikuko Urreisti-Manzisidor. Sailkatzen diren bikote biek ekainaren 10ean jokatuko dute finala.
Musika eta zozketak
Jaialdi profesionaletan egiten den moduan, kantxa barruko ikuskizuna beste ekintza batzuekin ere osatuko dute. Sari berezia duen zozketa egingo dute bertaratzen direnen artean, eta jaialdiak musikaz girotuko dituzte.
Txapelketa Ezkurdi Jai Alai elkarteak eta Durango Jai Alai zesta-punta eskolak antolatu dute.