Durangoko Udalak sare sozialetan jakinarazi duenez, goizalde honetan sute bat egon da Juan Itziarko zentro zibikoa hartuko duen lokalean. Udal ordezkariak kalteak bertatik bertara aztertzera joan dira, eta azpimarratu dute, "gertakaria gorabehera", etorkizuneko zentro zibikoa lizitatzeko planekin "aurrera" egingo dutela. Datozen egunetan lizitatuko dute obra.
Joan zen abuztuan, Durangoko Udalak jakinarazi zuen lokal biko auzo etxea atonduko zuela Juan Itziarren. Hain zuzen ere, Udalak eta Eusko Jaurlaritzak hitzarmen bat sinatu zuten, auzoko urbanizazioan dauden eta Jaurlaritzaren jabetzakoak diren lokal bi auzotarren beharrizanetara bideratzeko.