500 lagunetik gora batu zituen atzo emakumeen Winter Series txapelketako lehenengo jardunaldiak. Maite Ortiz de Mendibilek eta Maialen Aldazabalek joko biak irabazi zituzten Ihart Arakistain eta Frida Watkinsen kontra. Lehenengoan atzetik hasi ziren (0-4/5-9) urduritasunak eraginda, baina Ortiz de Mendibil aurrean asmatzen hasi zenean jokoari buelta eman zioten: 15-12. Bigarren jokoa oso berdindua eta emozioz betea izan zen. Bikote biek tanto politak amaitu eta pilota zailak eraman zituzten. Hamaika, hamabi eta hamahirunako berdinketaren ostean, azken tanto biak alde berera joan ziren: 15-13.
Gizonetan, Xabi Barandikak joko biak irabazi zituen Johan Sorozabalen kontra: 15-11 eta 15-11.
Helena Barrenetxea, datorren astelehenean
Datorren astelehenean bigarren finalerdiak jokatuko dituzte. Helena Barrenetxea durangarrak eta Eneritz Lizardik Erika Mugartegiren eta Arai Lejardiren kontra jokatuko dute. Gizonen partidua, berriz, honako hau da: Aritz Erkiaga Imanol Lopezen aurka.
Jaialdi horretarako sarrerak LOTURA HONETAN eskuratu daitezke.
Ihar Arakistain eta Frida Watkins.
Xabi Barandika eta Johan Sorozabal.