[BIDEOA]: Lore-eskaintza egin dute, Durangon izan diren “terrorismo guztien biktimak” gogoan

Durangoko Udalak antolatuta,  “herrian izan diren terrorismo guztien biktimak” gogoratzeko ekitaldia egin dute iluntze honetan Kurutziaga kaleko Memoriaren monolitoan. Udaletxean ordezkaritza politikoa duten alderdi guztiek parte hartu dute, PSE-EEK salbu. Jesica Ruiz sozialistak goiz honetan adierazi du Ezkurdiko monolitoa dela oroimen ekitaldia egiteko lekua. Lore-eskaintza biolin jotzaile biren doinuekin egin dute, eta txalo zaparrada batekin eman diote amaiera ekitaldiari. 

ESANAK:

• Mireia Elkoroiribe (EAJ): “Oso garrantzitsua da gertaturikoa gogoratzen jarraitzea, inoiz berriro ere gerta ez dadin”.
• Iker Urkiza (EH Bildu): “Gaurkoa biktima guztiak oroitzeko eguna da. Horretarako da ekitaldi hau. 
• Julián Ríos (Herriaren Eskubidea): “Inportantea da biktima guztiak gogoan izatea eta alderdi politikoen arteko eztabaidak alde batera utzita  honelako ekitaldi irekiak egitea”. 
• Sabina Méndez (Elkarrekin Podemos): “Biktima guztiak ohoratzea oso garrantzitsua da. Edozein errekonozimendu, edozein omenaldi ongietorria da”.