Umeetatik nagusietara, hainbat lasterketa izango da: haurrena, 10:30ean; haurrek nagusiekin batera egitekoa, 11:00etan; eta helduen proba, 12:00etan. Azken honetako distantziak honako hauek dira: 4 kilometro korrika, 13 bizikletan eta beste 2 korrika. Izen-ematea egunean bertan egin daiteke, 09:00etan hasita. Hiru euro da nagusientzat, eta euro bat umeentzat.
Urri hasiera sasoi aproposa da duatloi herrikoia antolatzeko. Halaxe uste du behintzat MugarraTTko Txela Bereziartuak: "Beste kirol askotako denboraldiak hasi barik edo hasi berritan daude. Orduan duatloia probatzea erabakitzen dute, eta, diotenez, ez ei da dioten bezain gogorra".
Europako txapelketa
Mugarrako kirolariak Europako txapelketan aritu direlako ere badira aktualitate. Bertan, Jone Aizpuruak eta Iker Iglesiasek zilarrezko domina irabazi dute Ironman erdian eta triatloi kros proban, hurrenez hurren.