Garai jauregian daude momentuz, baina Intxaurrondon egongo dira etorkizunean. Durangoko Udalak 136.000 euroko inbertsioa egingo du Geu Be elkartearen egoitza berria Intxaurrondoko eraikinean atontzeko. Irisgarritasun lanak egingo dituzte gehienbat, elkarteko erabiltzaileen beharrizanetara egokituko diren lanak. Udal iturriek jakinarazi dute proiektua erredaktatuta dagoela eta laster aterako dutela lehiaketa publikora.
Correosen eraikina
Bestalde, udalak 75.000 euro bideratuko ditu garai bateko Correosen eraikin zaharra eraberritzeko proiektua erredaktatzera. Horrez gainera, 35.000 euro bideratuko dituzte lurpeko edukiontziak kendu eta toki horiek atontzeko.