[EGITARAUA] Tontolapiko Egunak hartuko du Topaklown jaialdiaren lekukoa

Aritz Maldonado 2022ko mar. 18a, 16:13
Deskargatu Info Ahotsak :

Jorge Varela eta Juanan Bueno zinegotziak, eta Cecilia Paganini eta Gorka Ganso artistak.

Umore ikuskizunen egun osoko jaialdia antolatu dute Durangon apirilaren 16rako. Koronabirusaren eraginez bertan behera geratu den Topaklown jaialdiaren edizio berriaren ordezkapena izango da, 2022 honetarako. Bost ikuskizun ikusi ahalko dira egun horretan, horietako lau, kalean. 

Umorea "terapia" lez aldarrikatu dute Gorka Gansok eta Cecilia Paganinik goizeko aurkezpenean, eta egungoa bezalako testuinguru triste eta grisari aurregiteko beharrezkoa dela esan dute. Horrez gainera, Tontolapiko eguna antolatzeagaz pozik daudela azaldu dute, izan ere, ez zen erraza izan Topaklown bertan behera uzteko erabakia hartzea. "Topaklown jaialdia antolatzea hamar hilabeteko lana izan ohi da, eta egungoa bezalako testuinguru aldakorrean, ezinezkoa zen antolatzea; ez hori bakarrik, Topaklown topaketa ere bada, eta beharrezkoa zen kontaktu hori ziurtatzea". Juanan Bueno eta Jorge Varela zinegotziek. "Durangon barrez lehertzeko maratoia bat edukitzea itzela da. Errazagoa zen Topaklown bertan behera utzi eta ezer ez egitea, baina konpromiso itzela erakutsi dute".

TONTOLAPIKO EGUNA

APIRILAK 16

  • 12:00etan, Ganso&Ciaren (Euskal Herria) Babo Royal, Aurora Abasolo parkean
  • 13:00etan, 17:00etan eta 19:00etan, Toti Toronellen (Herrialde Katalanak) Libelula, Ezkurdin
  • 18:00etan, Señor Stetsen (Danimarka) Lonely Orkestar, Josemiel Barandiaran kalean
  • 20:00etan, Cia Cris-isen (Herrialde Katalanak) Home, Aurora Abasolo parkean
  • 22:00etan, Wilburren (Madril) Fuego Salvaje, San Agustin kulturgunean.
Kultura Durango
Erlazionatuak
Aurten ez dute Topaklown jaialdia antolatuko
Aurten ez dute Topaklown jaialdia antolatuko

Anboto 2022 ots 09 Durango

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!