Eneko Diez Puebla estreinekoz aritu da Europako txapelketa batean eta durangarrak lan aparta egin du. Madrilgo Chekmat taldean dabilen 23 urteko Diezek bosgarren postua eskuratu du. "Emaitzagaz pozik nago, baina baita horrelako txapelketa gehiagotan parte hartzeko gosez ere. Huts egite batzuk egin ditut eta astelehenean bertan hasiko naiz horiek lantzen", aitortu du Diezek.
Diezek bere lehenengo nazioarteko txapelketan lehenengo bi aurkariak erraztasunez menderatu ditu. Lehen konbatea brasildar baten aurka izan du eta 5-0 irabazi du. Bigarrena, berriz, borrokalari ingeles baten aurka izan du eta 21-0 menderatu du. Azkenean bosgarren postua lortu du durangarrak.
