Iazko ekainean, Eusko Jaurlaritzaren Sprilur S.A. enpresa publikoak Fundifes izandakoaren lursailak erosi zituen lurrak deskontaminatu, berreskuratu eta "goi-mailako heziketa beharrizanei" erantzuteko. "Lankidetza publiko-pribatu" bat hasi zuten, Maristak ikastetxearen eraikin berria lursail horietan kokatzeko. "Eusko Jaurlaritzak aktibo hori erosita, Durangok espazio garrantzitsu bat garatu ahal izango du, Basque Green Deal estrategiaren esparruan eskualdeko prestakuntza-gune eta sustapen ekonomikoko gune bihurtzeko", dio EAJk ohar batean.
Sorginola gaztetxeko kideek Fundifeseko espazioa erabiltzen dute beraien ekintzak garatzeko. EAJk dioenez, " beharrezkoa da elkarrizketa eta negoziazio bide bat irekitzea, gazte horiei Durangon espazio egoki berri bat emateko, beren programak garatzen jarraitu ahal izateko". Udal gobernuari mezua bidali diote: "EAJtik Durangoko Udaleko arduradunei eskatzen diegu Sorginola Gaztetxeko bozeramaileekin lehenbailehen biltzeko eta, Fundifesen, Tabiran, enpresaren egungo instalazioak eraitsi ondoren, beren jarduerakin jarraitu ahal izateko udal-espazio bat gaitu ahal izateko alternatiba bat eskaintzeko".
