LAB sindikatuak jakinarazi duenez, Haurreskolak Partzuergoan esku hartzen duten sindikatuak Hezkuntza Sailagaz batzekoak dira bihar. Bi aldeek negoziazio bilera egingo dute Gasteizen, eta horren atariko ekintza lez, familiek eta hezitzaileek elkarretaratzea egin dute Ezkurdin.
Haurreskolen Partzuergoko sindikatuek hainbat eskari eramango dituzte biharko batzarrera. Horien artean daude lan-itun berriaren negoziazioa, haurreskola zerbitzuaren doakotasuna edota partzuergoa Hezkuntza sisteman integratzeko eskaria. Joan den otsailean ere hainbat mobilizazio egin zituzten. Besteak beste, Iurretan, Zaldibarren eta Abadiñon.