Durangoko EAJk udal gobernu taldearen jarrera kritikatu du 2021ari begirako aurrekontu parte-hartzaileak aurtengoak baino murritzagoak izango direla-eta. "Sorpresa itzela gaurkoa, EH Bilduk eta Herriaren Eskubideak hainbeste aldarrikatu duten aurrekontu parte-hartzaileen zenbatekoa urtebetean %80 jaitsi denean", kritikatu du.
Iaz martxan ipinitako aurrekontu parte-hartzaileak aurtengo udal aurrekontuan islatuta gelditu dira. 600.000 euroko inbertsioa izan dute. Aldiz, aurten martxan ipinitako eta datorren urtean islatuko diren aurrekontu parte-hartzaileek 100.000 euroko inbertsioa izango dute.
Mireia Elkoroiribe EAJren bozeramailearen berbetan "sinestezina da aurrekontu parte-hartzaileen aldarrikatzaile nagusienak ei direnek, udal aurrekontuaren %0,002 bakarrik bideratzea horretara. Udal talde honek diru gehiago gastatzen du komunikazioan, parte-hartze proiektuetan baino".