Alarma egoera deklaratu zenen Kirolenek aurrez aurreko jarduera guztiak bertan behera utzi eta eskolak internet bidez emateari ekin zion. Denbora tarte honetan 280 eskola-ordu baino gehiago eman ditu eta 650 bat ikaslek jarraitu dituzte. Askotariko modalitateetako ikasleek segitu dituzte. Mendia eta eskalada, futbola eta areto-futbola, saskibaloia, eskubaloia, atletismoa, urpekaritza, salbamendua eta sorospena, eskubaloia, neguko kirolak, bela eta aldi iragankorreko prestakuntzak (gimnasia, txirrindularitza eta padela) eta hipikako bloke komuna landu dira.
Egindako lanarekin "harro" dago Kirolene. "42 irakaslek baino gehiagok osatzen duten Kirolene KIIP HHPKko irakaslegoa, ezin hobeto egokitu da alarma egoera honek ekarri dizkigun egoera berezietara, eta ikasleak erabat on line jasotzen ari dira beren prestakuntza, Eusko Jaurlaritzako Hezkuntza Sailak eman digun hezkuntza plataformaren bidez eta Erregimen Bereziko Kirol Irakaskuntzak arautzen dituen araudian ezarritako eskumenen arabera" adierazi du Ramón Fernández zuzendariak.
Ulergarritasuna eta eskerrona
Egoera erraza ez dela-eta, Kirolenek eskerrak eman dizkie irakasleei eta ikasleei, "egoera berri honetara egokitzeko erakutsi duten prestutasunagatik; baita Eusko Jaurlaritzari ere, beharrezko tresnak azkar antolatzeagatik eta lankidetzan aritzeagatik".