Udaltzainek idatzitako testua:
Durangoko Udaltzaingoko langileok bihotz-bihotzez eskertu nahi dugu, bizi dugun egoera zail honetan, koronabirusaren aurrean (Covid-19) dohaintzan jasotako babes-materiala, hala nola, maskarak, eskuetarako gela desinfektatzaileak eta zipriztinen aurkako betaurrekoak. Gure egoeraren inguruan interes eta kezka handia agertu duten enpresek eta partikularrek modu altruista eta desinteresatuan egindako dohaintzak dira, alarma egoera eta osasun-larrialdia indarrean jarri ziren lehen egunetatik.
Azken egunotan falta zitzaigun materiala da, ezinbestekoa gure lana segurtasunez egiteko eta zuei merezi duzuen zerbitzua emateko. Gure aldetik, hemendik aurrera, osasun-langile guztiei arratsaldero ematen dizkiegun txalo horiek guztiak zuentzat ere badira, zuek ez dakizuen arren, heroiak zaretelako.
Eskerrik asko!
Ohore bat da Durangorentzat eta zuek bezalako jendearentzat lan egitea.