Galdetegia beteta, Durangon hitzordua eskatu daiteke odola emateko

Jende pilaketak eta joan-etorriak saihesteko asmoz, koronabirusaren krisiak irauten duen bitartean, odola eman nahi dutenek aldez aurretik hitzordua hartu beharko dute Durangon. Galdetegi hau bete beharko da.

Hilero galdetegi berri bat zabalduko dute sare sozialen bidez. Bertan sartzen diren datuak odol-emaileen elkartera eta udaltzaingora bidaliko dira. Ekintza hau Durangoko herritar batek sortu du, Durangoko Udalarekin eta Bizkaiko Odol-emaileen Elkartearekin koordinaturik.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.