Greba orokorraren "lehen lerroa" hartzeko deia egin dute Durangoko hainbat gaztek

Gazteriak bizi-proiektu duina eraikitzeko oztopoak dituela salatu dute. Hezkuntza-sistema, praktika-kontratuak, lanaren prekarizazioa, emantzipazio zailtasunak edo ezintasunak, klima aldaketa, emakume gazteen gaineko kontrola edo joko-aretoen gorakada ipini dituzte ikasi, lan eta bizitzeko baldintza kaskarren "eguneroko ogi" modura. Urtarrilaren 23an asanblada egingo dute Pinondo etxean, 19:00etan, greba orokorra prestatzeko.