Bigarren asteburuz jarraian zilarrezko domina bat irabazi du Deniba Konarek. Avileseko txapelketan goi mailako 600 judolarik parte hartu dute. Asko nazioartekoak ziren, portugaldarrak eta herbeherearrak, besteak beste.
Konarek 57 kilora arteko kadete mailan parte hartu du. Galizia, Madril eta Alacant-eko judolariak menderatu ditu ligaxketan. Finalerdietan Valeria Torres valentziarra izan du aurrez aurre. Orain astebeteko finalean galdu egin zuen bere aurka, baina oraingoan Konare irten da garaile. Finalean Adriana Rodriguez valentziarraren kontra galdu du.
Avilesen lortutako emaitzarekin Espainiako ranking-eko bigarren postuan kokatu da Konare.