Gaur gaztetxearen etorkizunari buruzko afari tertulia bategaz hasiko dute egitaraua, eta gero gaubela egingo dute. Bihar, bestalde, Berbaz aldizkari literarioaren bigarren edizioa aurkeztuko dute, 19:00etan. Herriko gazte eta sortzaileen lanak bilduta osatu dute alea. Sexu Askapenaren Egunagaz bat eginda, irakurraldia iragarri dute 21:00etarako, Bilgune Feministagaz batera. 22:00etan, gazteek DJ maratoian parte hartuko dute. Tartean, 20:00etan, tortilla jana egongo da Tabirako zelaian.
Zapatuan marmitakoa
Zapatukoa izango da egun handia, bai Sorginolan, bai auzoko jaietan. Tabirako jaiei lotuta, marmitako txapelketa egongo da eguerdian. 20:00etan kontzertu bat eskainiko dute elizpean, eta gauean gaztetxe barrura pasatuko da egitaraua. Ezetaerre, The Guilty Brigade eta Gora Etorri taldeek kontzertuak eskainiko dituzte, jaiagaz jarraitzeko asmoz.
