Gorka Fraile preso durangarrak kalean egoteko hiru eguneko baimena izan du

El Duesoko (Kantabria, Espainia) kartzelako Tratamendu Batzordeak emandako ohiko baimen bat izan dela informatu du Etxeratek. Izan ere, bigarren graduan dago durangarra, espetxe horretara abenduan hurbildu zutenetik. Hiru egun kalean egon ostean, atzo bueltatu zen kartzelara.

Gorka Fraileri minbizia topatu zioten 2015ean, eta geroztik preso gaixo larrien zerrendan kokatua dauka Jaiki Hadi elkarteak. 2018 amaieran Madrilgo Gobernuak zenbait preso hurbiltzea erabaki zuen, eta horietako bat izan zen durangarra.

Hala ere, ordura arte Badajozeko (Extremadura, Espainia) kartzelan eduki zuten preso, familiarengandik 700 kilometrora. Etxera hurbiltzea eskatu zuen Frailek, baina Espainiako auzitegiek ukatu egin zioten. Joan zen astean Estrasburgoko giza eskubideen auzitegiak ere eskaria atzera bota zuela jakin zen.

Erlazionatuak

Estrasburgoko ebazpenagaz desadostasuna agertu du Sarek, eta Gorka Fraile etxeratzea eskatu du

Durango

Badajozeko kartzelan zegoela, Euskal Herrira gerturatzeko eskaria egin zuen Gorka Fraile preso durangarrak Espainiako auzitegietan. Ezezkoa jasota,...
Gorka Fraile heldu da EL Duesoko kartzelara, eta "nekatuta baina pozik" dagoela esan du

Durango

Espainako Gobernuak zenbait preso Euskal Herritik gertu hurbilduko zituela iragarri zuen duela zenbait aste, eta horien artean zegoen Gorka Fraile ...