Joan zen asteburuan Tabirako-Baquéren emakumeek Lauko Finala jokatu zuten eta asteburu honetan gizonen txanda izango da. Azkoitian batuko dira azken fasera sailkatzeko lau hautagaiak: Tabirako-Baqué, Hernani, Atletico San Sebastian eta Distira Bitxitegia ISB. Zapatuan finalerdiak jokatuko dituzte. Bi talde onenen arteko finala domekan, 11:45ean, hasiko da.
Durangoko klubak doako autobusak antolatu ditu Azkoitiara joateko. Tokia gordetzeko honako telefono honetara deitu daiteke: 688 646 415.