Familiek prentsa oharrean esan dute "diru publikoaren xahutze" horrek ez lukeela arazoa konponduko, apirilera artekoa delako. Gainera, udalaren ideiaren arabera, Durangoko Familiak izango litzateke instalazioa egin eta zerbitzuaren ardura edukiko lukeena; ondorioz, martxan jarri arte denbora pasako zela uste dute. Aparte, programazio bat beharrezko dela diote, eguenetan euren kabuz Pinondon antolatzen duten ludotekaren esperientzian oinarrituta. Eguenetako egitasmo horrek antolatzaileei "kostu pertsonala" ekarri diela, eta udalaren proposamenagaz handitu egingo litzatekeela ohartarazi dute.
Bestalde, udalak "erabilera politikoa" egin nahi duela begitantzen zaie. "Proposamen horrek hauteskundeetarako etekin politikoa helburu duela uste dugu, arazoari benetako soluzio bat ematea barik". Gainera, martxan jarri eta ondo aterako ez balitz, ludoteka baten beharrizana ukatzeko arriskua ikusten dute.
