Ertzaintza Kalebarriako tabernara bertaratu zenerako erasotzailea tabernatik joanda zegoen, eta orduz geroztik, kasua ikertzen egon dira. Ertzaintzak ANBOTOri baieztatu dionez, dagoneko ustezko erasotzailea atxilotuta dago; 22 urteko emakumea. Gainera, Ertzaintzak prentsa ohar bidez jakitera eman du, sabelaldean labankada bi zituen 27 urteko neskak ospitalean jarraitzen du.
Horrez gain, biktimarekin aurkitzen zen 30 urteko gizonezko bati ere eraso egin ziotela adierazi dute. Gizonezkoak labankada bat du lepoan.