Kandelak eskuan, Andra Mariko elizpetik irten eta tren geltokira prozesioan joan da herritar talde bat Durangon berdegune gehiago eskatzeko. 'Durango berdea nahi dugu' eta 'Ez,ez, dorrerik ez' izan dira bidean oihukatu dituzten leloetako bi. Ildo horretatik, egunean zehar, tren geltokiko proiektuaren aurkako kartelak agertu dira herrian eta, egitasmoa gauzatuko den inguruan, altare bat jarri dute loreekin eta zuhaitzekin apainduta. Hain zuzen, hantxe amaitu da gaur arratsaldeko prozesioa.