Erabakik 662 sinadura aurkeztu zituen urrian, baina udalak 217 zenbatu zituen

Erabakik 662 sinadura aurkeztu zituen urrian, baina udalak 217 zenbatu zituen

Erabaki plataformak atzo salatu zuen 450 bat sinadura falta direla udalak eginiko analisian. Udalak 3.433 zenbatu ditu, eta galdeketaren aldeko taldeak dio 3.882 entregatu zituela udaletxean. Bertsio bien gakoa urriko sinaduren zenbaketan egon daiteke.

Erabakik 2.970 sinadura erregistratu zituen uztailean, 167 irailean, eta 662 urrian. Udalaren analisia ikusiz gero, lehen datu biek koadratzen dute, baina hirugarrenak ez. Analisi horretan esaten da, urrian 217 sinadura izan zirela aurkeztutakoak. Beraz, baliteke ikuspegi bien arteko desorekaren arrazoia hor egotea, 445 sinaduren aldea dagoelako.

Sinaduren analisia garrantzi handikoa da, udalak horren ondorioz erabaki duelako galdeketarik ez deitzea. Eztabaida eragin duen plana da estazio zaharreko lurretarako diseinatutakoa, eta Erabaki plataformak galdeketa bat egitea gura du. 

Alkatearen erantzuna
Bestalde, Erabakik oharra zabaldu du esanez gaur goizean udaletxean izan dela, sinaduren fotokopiak idazkariari eman eta ustez falta diren sinaduren arazoa argitzeko. Plataformaren esanetan, Aitziber Irigoras alkateak erantzun die "behar den guztia" egingo dela arazoa ahalik eta arinen konpondu dadin.

Erlazionatuak

Galdeketa ez du deituko Durangoko gobernuak, estazioko lurren planaz erabakitzeko

Durango

Udalean eginiko azterketaren arabera, Durangoko erroldaren %10era ailegatzeko 76 sinadura falta dira. 2.961 beharrezko ziren, eta 2.885 o...
Erabakik salatu du galdeketaren aldeko 450 sinadura "desagertu" direla udalaren zenbaketan

Durango

Erabaki plataformako kideek galdeketa ez deitzeko albisteaz prentsatik enteratu direla ohartarazi dute, eta salatu dute emaitzek ez dutela koadratz...
Durangoko trenbide zaharreko planaren nondik norakoak

Durango

Eusko Jaurlaritzak 60.000 metro karratu dituen eremurako plana aurkeztu zuen joan zen barikuan udaletxean. Hauek dira planaren nondik norakoak.