Galdeketa ez du deituko Durangoko gobernuak, estazioko lurren planaz erabakitzeko

Galdeketa ez du deituko Durangoko gobernuak, estazioko lurren planaz erabakitzeko

Udalean eginiko azterketaren arabera, Durangoko erroldaren %10era ailegatzeko 76 sinadura falta dira. 2.961 beharrezko ziren, eta 2.885 onartu ditu. Horregatik, galdeketa ez deitzea deliberatu du. Erabaki plataformak aurretiaz esan izan du hauteskunde errolda hartu beharko litzatekeela kontuan, galdeketan horiek eman ahalko luketelako botoa.

Erabaki plataformak 3.433 sinadura aurkeztu izan ditu hainbat txandatan gehituta, eta horietatik 360 balio barik utzi ditu udalak, adin txikikoak edota erroldatu bakoak izateagatik, besteak beste. Gainera, beste 188 sinadura errepikatuta egon dira. Azken hauteskundeetan errolda 22.060 pertsonakoa zela, eta ondorioz 2.206 sinaduragaz nahikoa dutela uste dute Erabakitik.

Galdeketa eskatzeko mozioa uztailean aurkeztu zuen herritarren plataformak, eta atzo amaitu zen sinadurak aztertzeko prozesuaren epea. Erabakik hilabete biko epea edukiko du errekurtsoa jartzeko, hala nahi baldin badu.

Erlazionatuak

550 etxe, berdeguneak, jolastokiak... Durangoko trenbideko plana iruditan

Durango

Trenak libre utzitako lur eremua eraldatzeko plana gaur aurkeztu du Eusko Jaurlaritzak, eta ondorengo planoetan ikus daiteke zelan geratuko den ing...
Erabaki plataformak kasik 4.000 sinadura batu ditu galdeketaren alde

Durango

Estazio zaharreko lurren eremuko planari buruz herri galdeketa egitea nahi du Erabakik, eta uztailean 3.033 sinadura entregatu eta gero, orain best...