Plataformak esan du lan horiek "baimenik barik hasi zirela" adierazten duen jakinarazpena heldu dela udalera, eta bertan behera uzteko eskatzen duela. Baina, dagoeneko obra hori amaituta dago. Horregatik, ETS zigortzea gura du Erabakik, eta udalari exijitu dio argitu dezala zergatik ez zituen "baimenik gabeko lanak" gelditu. Uztailean Durango Operazioko proiektu osoa azaltzeko batzorde berezian, udaleko teknikariek azaldu zuten ez zekitela zer obra egiten zebiltzan ETSkoak inguru horretan.