Maeztuk bezala, Ion Andoni del Amo zinegotziak ere egoera salatu du. "Inauguratu berria eta guardasola erabili behar. Eta oraindik aldapak eta eskailerak. Durangarrok geltoki duin bat merezi dugu", adierazi du zinegotziak sare sozialetan.
2012an trena lurperatu zenetik, sarbide hori irristakorra eta malkartsua izateagatik hainbat kexa egin izan dituzte erabiltzaileek. Berez, sarbide hori larrialdietarako izateko diseinatuta dago, sarbide nagusia estazio zaharra zegoen lekutik egingo baitute datozen hileetan.
