Arratsaldeko ordutegian ere aldaketak egitea gura dute, hemendik aurrera 16:00etatik 20:00etara izatea hain zuzen (orain arte ordu erdi lehenago hasi eta amaitzen zen). Ordutegi hori komertzioarenari parekatzea da asmoa. Izan ere, "udalerriko merkataritza hobetzea eta garraio publikoa erabiltzea" sustatu gura du gobernuak aipatutako 7 aldaketa horiek aurrera eramanda.
Besteak beste, Landakoko anbulatorioan, osasun-zerbitzuetarako erabiltzaileak gehienez 90 minutu egon ahal izateko, txandatze-maila altuko gunea (Gune Berdea) ezartzea ere bada gobernuko alderdien nahia. Kuatrizikloak egoiliarrentzako erregimenean sartzea, jarduera bakoitzeko gremio txartelak gehitzea, arau-hausteengatiko zenbatekoak aldatzea, eta renting-eko ibilgailuak dituzten Durangon erroldatutako pertsonek egoiliarrentzako txartela lortzeko behar den dokumentazioa zehaztea dira gainerako proposamenak.
