Ume sahararrei elkartasunez eta maitasunez egin diete ongietorria

Ume sahararrei elkartasunez eta maitasunez egin diete ongietorria

Durangoko Udalak harrera ofiziala egin die uda pasatzera etorri diren ume sahararrei. EAJ, EH Bildu, Herriaren Eskubidea eta PSE-EEko ordezkariek opari bana eman diete umeei eta errefuxiatuen kanpamenduetatik eurekin etorri diren begiraleei. Elkartasuna eta maitasuna erakutsi diete.

Aitziber Irigoras alkateak eta Pilar Rios alkateordeak egin dute berba ordezkarien izenean. Uda on bat pasatzeko desioa agertu diete sahararrei, eta eskerrak eman dizkiete umeak etxean hartu dituzten gurasoei eta udalekuak antolatu dituzten Rio de Oro eta Hamadako Izarrak elkarteei.

Guztira 34 ume etorri dira. Aniztasun funtzionala duten 11 ume Izurtzako Rio de Ororen kanpamenduan egongo dira, 15 Atxondon Hamadako Izarrakegaz, eta 8 zenbait herritarren etxeetan. Udako desertuko beroa saihesteaz aparte, mediku azterketak egitea ere bada helburua.

Erlazionatuak

15 ume sahararrek Anbotoren magalean hartuko dute babes udan

Atxondo

Hamadako Izarrak taldeak Axpeko etxe batean hartuko ditu aurten ere zenbait ume saharar, udaleku estiloan. Besteak beste, desertuko berotik babeste...